異地戀的心情

還有最後工作5天,便要出發去韓國

最近屋企人有好多說話給我聽

"自把自為, 走得咁快? 咁趕? 一個二個走晒, 自私, 自己顧自己,走了不要番來".........

說話好難聽囉....我都係去2個月影相及訂韓服...所以我都係沒有說出一句說話

我都好明白佢地既心情, 因為要離開佢地去韓國. 好像好不滿我要走......又接著說你要執野,打理家頭細務,沒有人幫手

佢地希望我越遲結婚越好......

我都明白.....我都比較介意別人的感受.有時我都要為我的將來打算.



人其實好矛盾, 我都用了一段長時間考慮結婚的問題. 因為跟其他朋友的處境不同, 好難作出一個咁大的決定.

我的男朋友畢竟不是香港人, 不能每天每週都能見面,行街睇戲食飯更加難, 其實有時都好羨慕其他的情侶,情人節,生日都可以一齊慶祝.一旦到了節日來臨, 更加憂愁.

所以自己已經擁有的事情(連微不足道的事情), 真是要好好珍惜. 有時不是必然. 當自己經歷過的事情, 更加會珍惜一齊的每一分每一秒.

起初真的不習慣異地距離的阻隔, 想要男友在自己身邊的時候都不能夠如願以償,最後情緒變得好低落...頭幾年自己會在夜晚哭泣.
因為好像不是拍拖,只是自己一個人.遠距離戀愛都不是一件容易的事情. 時間久了, 已經開始習慣沒有他在身邊. 但是每天都會以電話,視像通話, 訊息聯繫.

最初大家都不是用 smart phone, 因為距離問題, 電話及訊息都會在需要時才使用. 
直到大家都換了iphone, 變得更加方便, 更加容易聯繫, 每時每刻都可以知道對方做什麼. 可以透過app , 互相send 訊息及相片. 更加可以免費通話.

有了iphone, 更加了解對方的一舉一動 確實要讚嘆現今的科技

 時間過得好快,今年將要接近4年 ,我地的感情已經變得更加穩固. 比起最初, 如果我們沒有努力維繫, 異地情會受到種種因素影響而變得更脆弱.

問題在於雙方是否願意為對方犠牲,為對方著想. 要維繫一段感情實在是一件不容易的事.

希望異地戀的朋友, 努力!!!最終能夠有美好結果


結婚後應該是另一個階段的開始, 要面對的事情應該會好多

文化差異, 婆媳關係, 韓國文化, 飲食文化, 還有要適應韓國地方....好多新挑戰要面對. 希望自己能夠一一應付

FIGHTING